Ante
ese Ministerio Fiscal, e na representación que queda dita, comparece
e de acordo co previsto no art. 259 e ss., da Lei Axuizamento
Criminal e no artigo 5 da LO 50/81 que regula o Estatuto do
Ministerio Fiscal, formulo DENUNCIA polos feitos que a continuación
se relatan, por si fosen constitutivos de infracción penal, para que
se promova a sua investigación e a eventual depuración das
responsabilidades a que houbese lugar.
FEITOS
É
un feito notorio, e por iso non debe pasar desapercibido, que nas
nosas cidades e vilas onde existen supermercados , hipermercados e
demais tipos de establecementos comerciais que teñen como actividade
a venda de productos alimenticios, entre outros, todolos días ó
finalizar a xornada laboral son botados ó lixo productos de
primeira necesidade (alimentos) un ou varios días antes de que
chegue a súa data de caducidade e deixen de ser aptos para o consumo
humano (ou en todo caso para a sua venda ó público, según a
normativa sectorial de sanidade e consumo). E tamén vemos como cada
vez máis persoas se achegan a tentar recoller eses alimentos que
son tratados como desperdicios servindolles como sustento para
sobrevivir.
Ao
mesmo tempo que se ven a constatar tal situación, a pobreza e a
exclusión social estanse a incrementar en todo o Estado, pola
progresiva desaparición da chamada “clase media” que está
sufrindo o azote do desemprego pola destrucción masiva que se está
a producir do tecido económico, o cal desemboca nunha cada vez máis
pronunciada ruina das familias tanto no eido económico como no
moral.
Na
nosa comunidade son xa mais de 270.000 as persoas que se atopan sen
emprego, máis de 20.000 na comarca de Ferrolterra. Homes e mulleres
con familias que atender e con medo a un futuro que se antoxa incerto
cando rematen as prestacións sociais por cobertura de desemprego. Os
que aínda as teñen, pois son xa moitas as unidades familiares nas
que non entra ningún ingreso nin salarial ni asistencial. A fame,
tal e como pasaba hai xa varios centos de anos, volve a ameazar de
forma seria a moitos cidadáns en pleno século XXI. Non é un
problema alleo, calquera pode verse inmerso en tan triste situación.
Sen
ir mais lonxe, onte día 13 de decembro, fíxose público un informe
da ONG INTERMON OXFAM que afirma que se seguen as políticas de
austeridade e recortes sociais, no ano 2022 o 40 % da poboación do
Estado español verase afectada pola pobreza.
No
seo do Sindicato que represento, e froito das inquedanzas de
numerosos traballadores que xa perderon o seu posto de traballo,
veuse a constituir a “Asamblea de desempregad@s da CIG”, a cal
está a desenrolar un esforzo por poñer en coñecemento dos
cidadáns as graves inxustizas que está a padecer a poboación por
mor das políticas capitalistas e neoliberais dos gobernos de turno,
con contínuos recortes sociais.
Membros
da citada “Asamblea
de desempregados da CIG”, no marco das actividades reivindicativas
que están a desenrolar, mantiveron contactos con responsables e
xerentes de divesos supermercados da nosa comarca (non todos os
quixeron atender). E algúns dos que máis sona teñen entre os
consumidores non só tiran ó lixo alimentos en bo estado como
dicimos máis arriba, senón que algún, como é o caso de ALCAMPO
FERROL, dispón dunha compactadora para destruir os alimentos que xa
non son atractivos para a venda pola súa proximidade á data de
caducidade. (segundo informaron neste Sindicato os seus propios
empregados)
A
nosa lexislacion penal e o establecido no Estatuto Penal
Internacional, regulan os delitos de xenocidio, de crimen contra a
humanidade, de denegación de auxilio ante estados de extrema
necesidade e outros preceptos que poderían ser de aplicación
nestes casos.
Non
parece admisible nin dende o punto de vista estrictamente xurídico,
nin politica, nin social nin eticamente que todos os dias do ano, se
estén a destruir miles de kilos de alimentos de primeira necesidade
nunha sociedade na que existen moitísimas persoas pasando realmente
fame física.
No
Sindicato que represento non podemos permanecer impasibles ou
indiferentes ante tal situación non só de auténtica inxustiza
social senon que pode ter tintes penais pola regulación legal do
noso ordenamento xurídico e por iso acudimos a esta Institución que
ten posibilidades de actuación polas competencias que o noso
sistema lle confire.
A
obligación constitucional do Goberno do Reino de España é
garantizar a saúde da poboación (e a alimentación forma parte
daquela) . A
Fiscalía , encargada de velar polo interese xeral dacordo co
Estatuto do Ministerio Fiscal ten asumidas entre outras funcións a
de velar polo respeto das institucións constitucionais e dos
dereitos fundamentais e liberdades públicas con cantas accións
esixa a sua defensa, ou tomar parte en defensa da legalidade e do
interés publico e social (art. 3 EOMF), polo tanto o seu papel non
debe quedarse só no exercicio das accións penais e civis dimanantes
dos delitos e faltas.
Proponse por tanto actuar
seguindo as pautas que se expoñen a continuación, así como as que
se consideren oportunas para abrir un proceso fundado nas anteriores
informacións, para o que se auxiliarán de todas as fontes de
información e do labor das forzas e corpos de seguridade do Estado.
Ínstase
por tanto, mediante esta denuncia á Fiscalía a :
1.-
Elaborar un informe sobre as prácticas das grandes e pequenas
superficies comerciais de destrucción de alimentos básicos, antes
da súa caducidade.
2.-
Estudio das aplicacións penais a estas conductas que diariamente se
realizan pola maioría das grandes superficies no noso país, e en
particular na nosa comarca.
3.-
Impulsar en todalas Fiscalías das Audiencias Provinciais e do
Tribunal Superior de Xustiza de Galiza actuacións nos seus ambitos
de competencia sobor destes feitos.
4.-
Instar ás institucións democráticas e da sociedade civil;
concellos, Diputacións, Sindicatos, Asociacións de consumidores,
etc…., a cooperar activamente coa Fiscalía nestas investigacións.
Por
todo o exposto,
SUPLICO
A ESE MINISTERIO PUBLICO teña por presentado este escrito cos
documentos que se lle adxuntan e teña por presentada esta denuncia,
de tal forma que dentro do alcance das suas competencias, promova a
investigación dos feitos e de ser o caso xurisdiccionalmente se
depuren as responsabilidades a que haxa lugar.
Ferrol,
14 de decembro de 2012.
